Qytaı jańa jyldan bastap óz azamattaryna shetelge shyǵýǵa ruqsat beredi

BEIJІŃ. QazAqparat - Qytaı bıligi azamattaryna shetelge týrıstik saparlar úshin tólqujat berýdi qaıta bastaıdy, dep habarlaıdy QazAqparat tilshisi.

QHR Memlekettik kóshi-qondy baqylaý basqarmasynyń málimetinshe, 2023 jyldyń 8 qańtarynan bastap týrıstik maqsatta shetelge shyǵý úshin tólqujat alýǵa ótinish bildirgen Qytaı turǵyndaryn qabyldaý jáne qaraý rásimderi qalpyna keltirilmek.

Sonymen qatar qytaılyqtardyń týrıstik nemese iskerlik maqsatpen Gonkongqa barýyna ruqsat beriledi.

China Daily basylymy keltirgen Qytaı statıstıkasyna sáıkes, 2019 jyldyń birinshi jartysynda qytaılyq týrıster shetelderge 127,5 mlrd dollar jumsaǵan. Olardyń jumsaǵan shyǵynnyń basym bóligi Azııaǵa tıesili – 54%, Amerıka ekinshi orynda - 24%, odan keıin Eýropa - 13%.