Qytaı jaǵalaýynda balyq aýlaıtyn keme teńizge batyp ketti, 8 adam qaza tapty

BEIJІŃ. QazAqparat – Balyq aýlaıtyn keme Chjetszıan provıntsııasynyń Shyǵys Qytaı teńizinde batyp ketti. Óńirlik izdestirý-qutqarý qyzmetiniń aıtýynsha, keme bortynda 20 adam bolǵan, dep habarlaıdy QazAqparattyń menshikti tilshisi.

Teńizdegi aımaqtyq qutqarý ortalyǵyna apat dabyly jeksenbi kúni tańerteń, Beıjiń ýaqytymen 04:28 kezinde kelip túsken.

Keme Chjetszıan provıntsııasynyń jaǵalaýynan 100 mıl qashyqtyqta batyp ketti. Tańǵy saǵat 08:00-de segiz adamnyń máıiti tabyldy, ekıpajdyń bes múshesi qutqaryldy.

Іzdeý jumystary jalǵasýda, oǵan jergilikti jaǵalaý kúzeti, qutqarý qyzmetteri, osy aımaqtaǵy balyq aýlaý shhýnalary qatysyp jatyr.

Oqıǵanyń sebepteri týraly aqparat joq.