Qytaı jabaıy ańdarǵa jemshóp shashty
ASTANA. Aqpannyń 5-si. QazAqparat /Núsipbek Rızabek/ - Qytaıdyń Shynjań ólkesindegi taýly aýdandarda qar qalyń jaýǵandyqtan, sol arada tirshilik etetin arqar, qulja qatarly jabaıy ańdar óz aıaǵymen tamaǵyn taýyp jeýden qalǵan.
Jabaıy ańdardyń ashtan ólýinen alańdaǵan jergilikti úkimet jabaıy ańdarǵa jemshóp shashty, dep habarlaıdy QazAqparat qytaıdyń «Halyq gazeti» saıtyna silteme jasap.
Qalyń qar saldarynan Qytaıda memleket deńgeıinde qorǵalatyn arqar men buǵy sııaqty jabaıy ańdardyń birnesheýi ólip te úlgirgen. Osyǵan baılanysty jabaıy ańdardyń taralý jaǵdaıyna qaraı, apattan qutqarýǵa arnaıy qarajat bólinip, jabaıy ańdar birshama kóp júretin jerlerge jemshóp shashty. Qazirge deıin buǵy, aq qoıan, qulja, arqar sııaqty jabaıy ańdardyń 9800 den astamy qutqarylǵan.
