Qytaı ıýani 2008 jyldaǵy deńgeıge quldyrady

GONKONG. KAZINFORM – Dúısenbi kúni Gonkongte ıýan baǵamy 2008 jyldan beri eń tómengi deńgeıge tústi. Hang Seng China Enterprises ındeksi 7% astamǵa quldyrady, dep habarlaıdy QazAqparat Euronews-ke silteme jasap.

«Bul Hang Seng China Enterprises ındeksi qurylǵannan bergi eń nashar nátıje. Mundaı jaǵdaı Qytaı kompartııasynyń sezine kelgen Qytaı Halyq Respýblıkasynyń burynǵy tóraǵasy jáne prezıdıým múshesi Hý Tszıntao zaldan shyǵarylǵannan keıingi kelesi kúni tirkelip otyr.

Investorlar úshin tóraǵa Sı Tszınpınniń merzimi joq úshinshi mandaty naryqtyq negizde ekonomıkany damytýǵa Beıjinniń qyzyǵýshylyǵy joq degendi meńzeıdi. Al Qytaı Kompartııasynyń basqarýshylyq organdaryna S.Tszınpınniń adal jaqtastarynyń saılanýy, atalǵan kóshbasshynyń aınalasyna bılikti shoǵyrlandyrý aıaqtalǵanyn bildiredi», - dep jazylǵan saıtta.

Málim etilgendeı, Alibaba, JD jáne Meituan syndy asa iri tehnologııalyq kompanııalardyń aktsııalary 11 % astamǵa quldyrady. Qytaı basshylyǵy endi memlekettik kompanııalardyń esebinen damýdy qolǵa almaq.

Vıdeodan alynǵan kadr ru.euronews.com