Qytaı ıýan baǵamynyń quldyraýyn «áldebir alypsatarlardan» kórdi

ASTANA. QazAqparat - Qytaıdyń Ortalyq bankiniń tóraǵasy Chjoý Sıaochýan «qytaıdyń ulttyq valıýtasyna shabýyl jasady» dep áldebir halyqaralyq alypsatarlardy aıyptady. Bul týraly Bı-Bı-Sı agenttigi habarlady.

Bank tóraǵasynyń aıtýynsha, sońǵy kezde jıilep ketken ıýan baǵamynyń udaıy quldyraýyna budan basqa sebep joq eken. Chjoý Sıaochýan pikirinshe, Qytaı bıligi eldegi valıýta naryǵynda alypsatarlar basymdyǵyna jol bermeýi tıis kórinedi.

Bul málimdeme shyǵys Jańa jylyn merekeleý kezinde bir apta jumysyn toqtatqan qytaı qor naryǵynyń qaıta ashylar tusynda aıtyldy.

ıÝan baǵamyn turaqtandyrý sharalary eldiń valıýta qorynyń azaıýyna ákelip soqqan bolatyn.