Qytaı ıadrolyq otyndy baıytý jónindegi Brazılııa, Túrkııa jáne Irannyń kelisimin qoldaıdy - QHR SІM
BEIJІŃ. Mamyrdyń 19-y. QazAqparat /Rýslan Súleımenov/ - Qytaı Tegrannyń tómen baıytylǵan ýranyn joǵary baıytylǵan otynǵa baıytý jónindegi Brazılııa, Túrkııa jáne Irannyń kelisimin qoldaıdy. Bul týraly seısenbi kúni Beıjińde Qytaı Halyq Respýblıkasy Syrtqy ister mınıstrliginiń resmı ókili Ma Chjaosıýı málim etti.
«Biz bul kelisimdi qoldaımyz jáne ony mańyzdy dep sanaımyz. BUU Qaýipsizdik Keńesi Taıaý Shyǵysta ıadrolyq qarý-jaraqty taratpaýdyń halyqaralyq rejımin, tynyshtyq pen turaqtylyqty saqtaýǵa óz úlesin qosady, sondaı-aq Irannyń ıadrolyq máselesi beıbit jolmen sheshiledi degen úmittemiz», - dep atap kórsetti qytaı dıplomaty óz sózinde.
Esterińizge sala keteıik, dúısenbi kúni Brazılııa, Túrkııa jáne Iran elderiniń Syrtqy ister mınıstrlikteriniń basshylary Tegrannyń qolyndaǵy tómen baıytylǵan otyndy Tegran ǵylymı-zertteý reaktorynyń jumysyna qajetti joǵary baıytylǵan otynǵa almastyrý jobasy boıynsha kelisimge qol qoıdy.
