Qytaı vıtse-premeri jahandaný kezinde Azııany damytýdyń bes qaǵıdatyn atady
ASTANA. QazAqparat - Álemdik ekonomıka jahandaný jáne erkin saýdany damytý jolynda alǵa júre berýi tıis. Bul týraly Boaodaǵy Azııa ekonomıkalyq forýmynda Qytaı vıtse-premeri Chjan Gaolı aıtty, dep habarlady TASS.
«Azııanyń damýy álemsiz, al álemniń Azııasyz gúldenýi múmkin emes. Biz jahandanýdan kóp nárse aldyq jáne kóp úles te qostyq», - dedi ol.
Onyń aıtýynsha, Azııa elderi birlesip ekonomıkalyq jahandaný men álemdik saýdany jyljytý úshin bes qaǵıdatty ustanady. Birinshi qaǵıdat - beıbit damýǵa yqylastylyq, dedi Chjan Gaolı. «Beıbit jaǵdaıda bolmasa, ekonomıkalyq jahandaný - bul jalǵan bolady. Álemdi saqtaýda negizgi jaýapkershilik uly derjavalarda. Olar ózara strategııalyq baılanystardy kúsheıtip, senimdi tereńdetip, bir-biriniń múddelerin qurmetteýi tıis. Egoıstik múdde saldarynan óńirlik turaqtylyqqa, strategııalyq jahandanýǵa zalal keltirmeýi qajet», - dedi ol.
«Innovatsııalyq damý (ekinshi qaǵıdat) - álemdik ekonomıka ósiminiń qozǵaýshy kúshi. Innovatsııa, reforma esebinen serpindi qamtamasyz etip, sondaı-aq monetarlyq saıasatty, qurylymdyq reformany úılestirip, jańa tehnologııany paıdalanýymyz qajet», - dedi vıtse-premer.
Úshinshi qaǵıdat - damý ashyqtyǵy. «Biz kúlli álemge baǵdarlanǵan úlken naryq, erkin saýda jelisin qurýdy alǵa jyljytýymyz qajet», - dedi Chjan Gaolı.
Tórtinshi qaǵıdat - «birlesip dáýirleýdi» damytý. «Kúlli álemde ıgilikti alý, tutyný teńgerimsizdigi men turaqsyzdyǵy problemalaryn sheshýge basa nazar aýdarý qajet. Ońtústik elderdiń jahandyq ekonomıkany damytýdyń ındýstrıaldyq tizbegine qatysýyna járdemdesip, keı elderdegi kedeılikpen kúresýge kúshimizdi jumyldyrýymyz qajet», - dedi ol.
Sońǵy qaǵıdat - ádildik pen teńdik, - dedi ol. «Saýda-ekonomıkalyq yntymaqtastyqta barlyq elder álemdik ekonomıkany damytýǵa teń qatysýy qajet, osy ǵana onyń damýyna járdemdese alady», - dep sózin túıindedi Chjan Gaolı.
