Qytaı Venesýelaǵa bes mıllıard dollardy ne úshin berdi?
ASTANA. 29 jeltoqsan. QazAqparat - Qytaı Venesýelaǵa turǵyn úı salasyn damytý úshin bes mıllıard dollar bóldi. Bul týraly Venesýela prezıdenti Nıkolas Madýro málim etti, dep habarlady Associated Press.
Bul qarajat sonymen qatar kólik salasyn, spýtnıktik tehnologııalardy damytýǵa jáne áskerı qajettilikterge jumsalady.
Madýro bul málimdemeni Venesýeladaǵy «Uly turǵyn úı mıssııasy» («Gran Mision Vivienda») baǵdarlamasynyń iske qosylýy kezinde jasady. Qytaı bólgen qarajattyń negizgi bóligi osy baǵdarlamaǵa jumsalady dep josparlanýda.
Qytaı Venesýelanyń basty ekonomıkalyq áriptesteriniń biri bolyp tabylady.
