Qytaı Vashıngtonda ıadrolyq qaýipsizdikke baılanysty óz ustanymyn alǵash ret jarııa etedi - QHR SІM
BEIJІŃ. Sáýirdiń 7-si. QazAqparat /Rýslan Súleımenov/ - Qytaı basshysy Vashıngtondaǵy ıadrolyq qaýipsizdik týraly jahandyq sammıtte alǵash ret ıadrolyq qaýipsizdikke qatysty sóz sóıleıdi. Bul týraly sáýirdiń 7-sinde, sársenbi kúni, Beıjiń qalasynda QHR SІM vıtse-mınıstri Tsýı Tıankaı málim etti.
Tsýı Tıankaıdyń aıtýynsha, Qytaı ıadrolyq qaýipsizdikke basa nazar aýdarady jáne de aldaǵy sammıtte barlyq tarap ortaq oń nátıjege qol jetkize alady dep úmittenedi. Sammıtte Hý Tszıntao sóz sóıleıdi.
«Qytaı basshysy ıadrolyq qaýipsizdke qatysty alǵash ret sóz sóıleıdi. Óz sózinde Hý Tszıntao álemdegi ıadrolyq qaýipsizdikke qatysty máselelerdi qozǵaıdy. Sóz arasynda ol Qytaıdyń ıadrolyq qaýipsizdikke qatysty saıasaty men tájirıbesin, qytaıdyń halyqaralyq yntymaqtastyq máselelerimen tanystyryp, sondaı-aq Qytaıda ıadrolyq qaýipke qarsy qandaı sharalar qoldanylyp jatyr degen suraqtarǵa jaýap beredi» - dep habarlady Qytaı elshisi.
Tsýı Tıankaı ıadrolyq qaýipsizdikke qatysty Vashıngtonda ótetin sammıtte QHR basshysy Hý Tszıntao AQSh prezıdenti Barak Obamamen kezdesedi dep málim etti.
Esterińizge sala keteıik, sáýirdiń 12-si men 13-i aralyǵynda Vashıngtonda ıadrolyq qaýipsizdikke qatysty sammıt ótedi. Onda 46 memlekettiń basshylary, BUU, MAGATE, EO ókilderi, basqa da halyqaralyq jáne aımaqtyq uıymdar qatysady.
