Qytaı vaktsınasy Ózbekstanda shyǵarylýy múmkin

TAShKENT. ÓzA – QazAqparat - Qytaıdyń «Anhui Zhifei Longcom Biopharmaceutical» kompanııasy men ózbek ǵalymdary birlesip jasaǵan ZF-UZ-VAC2001 vaktsınasyn Ózbekstanda shyǵarý josparlanyp otyr. Bul týraly QazAqparat ÓzA silteme jasap habarlaıdy.

Ózbekstannyń Innovatsııalyq damý mınıstrligi men farmatsevtıkalyq ónerkásipti damytý agenttiginiń shaqyrýymen qytaılyq «Anhui Zhifei Longcom Biopharmaceutical» kompanııasynyń delegatsııasy 23 shildede Tashkentke keldi.

Mınıstrligtiń habarlaýynsha, delegatsııa ózbek-qytaı vaktsınasyn Ózbekstanǵa óndirýdi jolǵa qoıý týraly kelissózder júrgizýge kelgen. Sarapshylar vaktsına óndirisiniń ınfraqurylymdyq múmkindikterin baǵalaıdy.

Qytaı Ǵylym akademııasy SARS-CoV-2 koronavırýsyna qarsy vaktsına jasaý jobasynyń bastamashysy jáne úılestirýshisi bolyp tabylady.

Innovatsııalyq damý mınıstrligi janyndaǵy aldyńǵy qatarly tehnologııalar ortalyǵy jáne densaýlyq saqtaý mınıstrliginiń vırýsologııa ǵylymı-zertteý ınstıtýty vaktsınalardy synaýǵa tikeleı qatysqany, sondaı-aq klınıkalyq zertteýlerge qosqan úlesiniń arqasynda Ózbekstan vaktsınanyń teń quqyly avtory retinde tanyldy.

Aıta keteıik, ZF-UZ-VAC2001 vaktsınasynyń Ózbekstandaǵy qory 8,5 mıllıon dozaǵa jetken. Bul vaktsınanyń azamattar úsh dozasyn qabyldaǵanda tolyqtaı emdelgen bolyp sanalady.