Qytaı uzaqqa sozylǵan qurǵaqshylyqtan zardap shegip otyr
BEIJІŃ. 24 mamyr. QazAqparat /Rýslan Súleımenov/ - Qytaıdyń ońtústik jáne ortalyq provıntsııalarynda jaýyn-shashyn jaýmaı, uzaqqa sozylǵan qurǵaqshylyq aýyz sý tapshylyǵyna ákelip soqty.
«Myń aral provıntsııasy» ataýymen belgili Hýbeı provıntsııasynda kópten beri jaýyn jaýmaǵandyqtan shamamen alǵanda 1600 sý qoımasyndaǵy sý deńgeıi birden tómendep ketken. Osy provıntsııadaǵy qurǵaqshylyqtan 900 myń gektar aýyl sharýashylyǵy egistigi zardap shekti, 800 myńǵa jýyq jergilikti turǵyn aýyz sý tapshylyǵyn sezinip otyr.
ıAntszy ózeniniń tómengi bóliginde ornalasqan Qytaıdyń basqa da provıntsııalary osyndaı jaǵdaıdy bastan keshirýde.
