Qytaı ushqyshsyz ushatyn ushaqty synaqtan sátti ótkizdi

ASTANA. QazAqparat - Qytaı aeroǵarysh ǵylymy jáne tehnıkasy korporatsııasy (CASC) 14 shilde kúni otandyq Rainbow - CH-5 (kempirqosaq 5) ushqyshsyz ushatyn ushaqty sátti ushyrdy, dep habarlaıdy QazAqparat.

Sınhýa aqparattyq agenttiginiń habarlaýynsha, atalǵan ushaq zamanaýı áskerı barlaý jáne shabýyldaý tehnıkalarymen jabdyqtalǵan jáne 10 myń metr bıiktikte 60 saǵat boıy usha alady. Sondaı-aq onyń 1 tonna júkti alyp ushýǵa qaýqary bar.

CASC arnaıy ókiliniń aıtýynsha, CH-5 ushqyshsyz ushaq joǵary tehnologııaly kamera men barlaý qurylǵylarymen jaraqtandyrylǵan. Ol qorshaǵan ortany qorǵaý, órtten saqtaný jáne teńiz baılyqtaryn barlaý baǵyttarynda qoldanylmaq.

Aıta keteıik, Rainbow -  CH-5 ushqyshsyz ushaǵy 2016 jyly Qytaıda ótken Avıatsııa jáne ǵaryshtyq kórmesinde tanystyrylǵan edi.