Qytaı ushaǵy joǵalǵan «Boıngtiń» qırandylary bolýy múmkin 3 nysan tapty
ASTANA. QazAqparat - Qytaı ÁTK-niń Il-76 ushaǵy Úndi muhıtynyń ońtústiginde joǵalyp ketken malaızııalyq «Boıng» áýe kemesiniń bólshekteri bolýy múmkin 3 nysan tapty, dep habarlady sheteldik BAQ.
Nysandar aq, qyzyl, sarǵylt tústi. Ony qytaı ushaǵy shamamen 300 metrlik bıiktikten baıqaǵan.
Kúni keshe ǵana Avstralııanyń teńiz qaýipsizdigi basqarmasy Jańa Zelandııa ÁTK ushaǵy joǵalǵan ushaq bólshekteri bolýy múmkin qırandylardy tapqandyǵyn jarııa etken edi.
Senbi kúni Avstralııa Premer-Mınıstri Tonı Ebbot izdeý operatsııasyna jumyldyrylǵan qyzmetter atalǵan nysandardy muhıttan shyǵaryp ala almaǵandyǵyn málim etken bolatyn. «Keshe biz muhıttaǵy birneshe nysannyń sýretin aldy. Ókinishke oraı, izdeý aýmaǵynda 6 keme bolǵandyǵyna qaramastan áli kúnge deıin bólshekterdi shyǵarý múmkin bolmaı otyr», - degen edi ol.
Sonymen qatar ol avstralııalyq bılik laınerdi izdeý jumystaryn toqtatpaıtyndyǵyn atap ótti.
Іzdeý aýmaǵynan «Boıng» bólshekteri bolýy múmkin júzdegen nysannyń tabylǵandyǵy jaıynda Taıland bıligi de jarııa etken bolatyn.
