Qytaı ýnıversıtetiniń 500-ge jýyq stýdenti karantınge jatqyzyldy

NUR-SULTAN. QazAqparat – Qytaıda joǵary oqý ornynyń 500-ge jýyq stýdenti men pedagogteri koronavırýsqa baılanysty karantınge jiberildi. QazAqparat bul týraly Qazaqstanda COVID-19 taralýyna jol bermeý jónindegi vedomstvoaralyq komıssııa málimetine silteme jasap habarlaıdy.

Qytaıdyń Baılanys ýnıversıtetiniń 488 stýdenti, 19 oqytýshysy men 5 assıstenti jataqhanada koronavırýstyń birneshe jaǵdaıy anyqtalǵannan keıin karantın ortalyǵyna jiberildi.

Vırýsqa test nátıjesi oń mán kórsetken adammen baılanysta bolǵan barlyq adamdy karantınge jiberý Qytaıdyń «COVID-ke qarsy kúres» saıasatynyń bir baǵyty bolyp tabylady.

Karantın ortalyqtary retinde dalalyq aýrýhanalar, sondaı-aq qaıta jabdyqtalǵan stadıondar men kórme ortalyqtary jasalǵan. Stadıondar men kórme ortalyqtaryna qatysty naýqastardyń lyq toly bolatyny, tazalyǵynyń nasharlyǵy, buzylyp ketken tamaǵy úshin syndar aıtylady.

Ótken aptadaǵy jaǵdaı boıynsha, jeksenbide el ishinde ınfektsııanyń tek 1248 jańa jaǵdaıy tirkelgenine qaramastan, Qytaıdyń 65 mıllıonǵa jýyq turǵyny karantınde boldy. Olardyń kópshiliginde syrqat sımptomsyz ótti.

Foto: sfgate.com