Qytaı Úndistanǵa narazylyq notasyn joldady
ASTANA. QazAqparat - Qytaı úkimeti Úndistan premer-mınıstri Narendra Modıdiń daýly aımaq Arýnachal-Pradesh shtatyna barǵannan keıin narazylyq notasyn jiberdi, sebebi Beıjiń bul aýmaq Tıbetke tıesili dep sanaıdy. Bul týraly VVS agenttigi habarlady.
Qytaı BAQ-tarynyń habarlaýynsha, QHR Syrtqy ister mınıstrligi Úndistan elshisin shaqyrtyp, eger eliniń úkimet basshysy sol aýmaqqa baratyn bolsa, Qytaıdyń shekaralyq tutastyǵyn buzǵan bolyp esepteletinin eskertken. Alaıda, Modı juma kúni Arýnachal-Pradeshke aýmaqqa shtat mártebesin bergenine 28 jyl tolýyna oraı uıymdastyrylǵan sharalarǵa qatysý úshin bardy. Eske sala keteıik, atalǵan másele boıynsha, 1962 jyly Úndistan men Qytaı arasynda qarýly qaqtyǵys bolǵan.
