Qytaı ulttyq oıyndary ótetin Sıan qalasynda karantın kúsheıtildi
Jergilikti BAQ-tyń jazýynsha, ulttyq oıynǵa qatysýǵa kelgen 13 myńnan astam sportshy, jattyqtyrýshy, tóreshiler men tilshiler «ulttyq aýylda» karantınge jiberildi.
Karantın talaptarynyń qatarynda oıynǵa qatysýshylarmen oǵan qatysy bar barlyq qyzmetkerlerdiń vaktsına alýyn baqylaý, olardyń densaýlyq jaǵdaıyn únemi qadaǵalaý men sporttyq sharaǵa qatysýshylardy koronavırýsqa qarsy test-synaǵynan ótkizý jatady.
Uıymdastyrý komıtetiniń habarlaýynsha, oıyndy tamashalaýǵa jarys bastalardan 14 kún buryn COVID-19-ǵa vaktsına alǵan jáne sporttyq shara ashylǵanǵa deıin 72 saǵat buryn PTR test-synaǵyn tapsyrǵan kórermender ǵana jiberiledi.
Koronavırýstyń taralýyn azaıtý maqsatynda ulttyq oıyn kezinde Sıan qalasyndaǵy halyq baratyn 4 myńnan astam kórikti jerlerdiń jumysy ýaqytsha toqtatylady. Aǵymdaǵy jyldyń qazan aıynda «the Beijing 2022 Playbook» jarııalanady dep kútilýde, onda barlyq múddeli taraptar úshin nusqaýlyqtar jáne aldaǵy Beıjińde ótetin qysqy Olımpıada oıyndarynda COVID-19-dyń aldyn-alý men baqylaýdyń naqty sharalary kórsetiledi.
Eske sala ketsek, XXIV qysqy Olımpıada oıyndary 2022 jyldyń 4-20 aqpan aralyǵynda Beıjińde ótedi.