Qytaı Ulttyq kitaphanasy Qazaqstan týraly jańa kitaptarmen tolyqty
Kitaphana qoryna Qazaqstan Respýblıkasy Prezıdenti Nursultan Nazarbaevtyń byltyr qytaı tilinde jaryq kórgen tańdamaly eńbekteri jınaǵy, aǵylshyn jazýshysy ári saıasatkeri Djonatan Aıtkenniń «Nursultan Nazarbaev jáne Qazaqstannyń qurylýy» kitaby, «Sulý Qazaqstan - Sulý Qytaı» fotoalbomy, qazaq, orys jáne aǵylshyn tilderindegi basqa da kitaptar tabystaldy.
Qytaı Ulttyq kitaphanasynyń dırektory Han ıÝntszınmen áńgimeden keıin elshi Sh. Nuryshev 2016 jylǵy jeltoqsanda ashylǵan qazaq ádebıeti buryshyn baryp kórdi.
«Búgin biz Qazaqstan jaıyndaǵy kitaptar turǵan shetel ádebıeti zalyn kórip, byltyr elimiz jaıly qytaısha jaryq kórgen kitaptardy tabystadyq. Negizgi maqsat - Qytaıdyń qarapaıym azamattary osy kitaptar arqyly elimizben tanysýyna, onyń tarıhy, ádebıeti, mádenıeti, qazirgi jetistikteri týraly bilýine jaǵdaı jasaý, osy arqyly eki el arasyndaǵy jan-jaqty strategııalyq áriptestik qatynastaryn jańa deńgeıge kóterý», - dedi Sh. Nuryshev QazAqparat tilshisine.
Kitaphananyń shetel ádebıeti bóliminiń qyzmetkeri Lıý Meı (Liu Mei) búgingi tańda qazaq ádebıeti sektsııasynda kitaptar mol ekenin aıtty.
«Bizdiń bólimimizde Reseı, Japonııa, Malaızııa, taǵy basqa elderge arnalǵan kitap buryshtary bar. Biraq qazaq ádebıeti sektsııasynda kitaptar alýan túrli ári basqalarǵa qaraǵanda kóbirek. Munda kelýshiler Qazaqstan jaıyndaǵy fotoalbomdar men kitaptar toly sórelerdi kórip tamsanady», - deıdi ol.
Kitaphana qytaısha kitaptardy eń kóp jınaqtaǵan ári shet tilderinde jazylǵan kitaptardyń Qytaıdaǵy eń úlken qory da osynda. Ol álemdegi eń iri kitaphanalardyń úzdik úshtigine kiredi, al oqyrmandar sany boıynsha kósh basynda tur.
