Qytaı úlken pandalardy «joıylý qaýpi bar» tizimnen shyǵarý erte dep esepteıdi
ASTANA. QazAqparat - Qytaı sheteldik ekologtardyń úlken pandany Qyzyl kitaptaǵy «joıylý qaýpi bar» túrden «az» túrine aýystyrýyna áli erte ekenin aıtty.
Dúısenbi kúni QHR orman sharýashylyǵy memlekettik basqarmasy osyndaı málimdeme jasady, dep habarlaıdy Sınhýa agenttigi.
Halyqaralyq tabıǵatty qorǵaý jáne tabıǵı resýrstar uıymy jýyrda úlken pandany Qyzyl kitaptaǵy «joıylý qaýpi bar» tizimnen shyǵarý týraly usynys jasaǵan bolatyn.
«Eger biz úlken pandalardy qorǵaýǵa kúsh salýdy azaıtsaq, bizdiń osy kúnge deıin jasaǵan eńbegimiz esh bolady», - dedi QHR orman sharýashylyǵy memlekettik basqarmasynyń mamandary.
Jyldar boıy Qytaı úlken pandalardy qorǵaý boıynsha birneshe bastamalardy júzege asyrdy, qoryqtar qurdy. 2015 jyldyń sońyna qaraı bul janýar túriniń 1864 ókili jabaıy tabıǵatta ómir súretini anyqtaldy. Bul 2000 jylmen salystyrǵanda 800-ge kóp. Torda ómir súretin taǵy 422 pandaǵa kútim kórsetilýde.
