Qytaı úkimeti shaǵyn syıymdylyqty avtokólikterge salyqty arttyrmaqshy
ASTANA. Jeltoqsannyń 26-sy. QazAqparat - Qytaı úkimeti kelesi jyldan bastap shaǵyn syıymdylyqty avtokólikterge (qozǵaltqyshy 1,6 lıtrlik avtomobılder) salynatyn salyqty, máshıneniń baǵasyna qaraı 5-ten 7,5 paıyzǵa deıin arttyrmaqshy,
dep habarlaıdy QazAqparat Lenta.rý saıtyna silteme jasap.
Qytaıda shaǵyn syıymdylyqty avtokólikterdi satyp alýǵa salynatyn salyq 2009 jyldyń basynda eki ese - 10-nan 5 paıyzǵa deıin - jańa avtomobılge degen suranysty yntalandyrý úshin tómendetilgen bolatyn. Bul sharanyń nátıjesi is júzinde birden kórinis tapty: satý eki ese ósti. Jyl boıy Qytaıda aı saıyn mıllıonǵa jýyq jańa avtomobılder satylǵan. 12 aıdyń qorytyndysy boıynsha máshınege degen suranys 2008 jylmen salystyrǵanda 44 paıyzǵa artqan.
