Qytaı úkimeti Qazaqstan dúngenderine elektrondy oqýlyqtar syılady
ASTANA. QazAqparat - Qazaqstanǵa dúngen etnosynyń qonystanýynyń 140 jyldyq mereıtoılyq datasy aıasynda QHR úkimeti elimizdegi Dúngender qaýymtastyǵyna álem tilderin úırenýge arnalǵan ınnovatsııalyq elektrondy oqýlyqtardy syıǵa tartty, dep habarlaıdy QazAqparat.
«Bul oqýlyqtardy QHR Syrtqy ister mınıstrligi ázirlegen. Ol orys, aǵylshyn jáne qytaı tili syndy álemniń 8 tilin úırenýge arnalǵan. Elektrondy qalamsapty kez kelgen sózge aparsańyz ol ózińiz tańdaǵan tilge avtomatty túrde aýdaryp beredi», - dedi Qazaqstandaǵy Dúngender qaýymdastyǵynyń jetekshisi Hýseı Daýrov.
Onyń atap ótýinshe, Qazaqstandaǵy Dúngender qaýymdastyǵy bul jańa oqýlyqtardy eń birinshi bolyp alyp otyr.
«Dúngender ózderiniń ana tili qytaı tiliniń kóne dıalektisin saqtap qalǵandyǵyn aıtady. Búginde dúngender jınaqy turyp jatqan eldi mekenderdegi mektepterde ana tilin oqytý boıynsha qosymsha fakýltatıvtik sabaqtar ótkiziledi. Al endigi ýaqytta, jańa elektrondy oqýlyqtyń arqasynda bizdiń balalarymyz qazirgi zamanǵy ádebı qytaı tilin tez arada meńgerip, Qazaqstan men Qytaı arasyndaǵy ekonomıkalyq jáne mádenı yntymaqtastyqta mańyzdy rólge ıe bola túsedi. Óıtkeni, qazirgi ýaqytta ekijaqty yntymaqtastyqty damytýdaǵy eń negizgi problemalardyń biri qazaq, orys tilderimen qatar qytaı tiligin jetik meńgergen kadrlardyń jetispeýshiligi bolyp otyr», - dedi Dúngender qaýymdastyǵynyń jetekshisi.
Aıta keteıik, Qytaıdyń Gansý jáne Shensý dúngenderiniń biraz boliginiń Jetisýǵa qonys aýdarýy 1864-1878 jyldary Batys Qytaıdaǵy dúngen kóterilisine baılanysty boldy. Іle aımaǵynan 6 myńdaı dúngen Qazaqstan jáne Orta Azııa jerine kóshirildi
