Qytaı úkimeti BUU-ǵa gýmanıtarlyq kómek kórsetý úshin 1 mln dollar bóldi
ASTANA. QazAqparat - Birikken Ulttar Uıymynyń Joǵary komıssarynyń bosqyndar boıynsha basqarmasy beısenbi kúni Qytaı úkimetinen 1 mln AQSh dollary kóleminde qarjy aldy, dep habarlaıdy Sınhýa agenttigi.
Bul aqshalaı qarjy aýǵandyq bosqyndarǵa gýmanıtarlyq kómek kórsetý úshin jumsalady.
Eske sala keteıik, BUU Bas hatshysynyń gýmanıtarlyq máseleler jónindegi orynbasary Stıven O'Braıen qazirgi tańda 20 mln-nan astam adamǵa asharshylyq qaýipi tónip turǵandyǵyn atap ótken edi.
«Biz tarıhtyń eń syndarly shaǵynda turmyz. Biz jyldyń basynda-aq halyqaralyq uıym tarıhyndaǵy eń alǵashqy iri daǵdaryspen betpe-bet keldik. Osy ýaqytta 4 memlekettegi 20 mıllıonnan astam adamǵa asharshylyq qaýipi tónip tur. Jahandyq deńgeıdegi jaqsy úılestirilgen ujymdyq áreket bolmasa, adamdar ashtyqtan qyrylyp qalady. Aman qalǵandary túrli aýrýlar men qıyndyqtardan zardap shegedi»,-dedi O'Braıen.
