Qytaı týrıster úshin qupııa ıadrolyq ortalyq ashty
ASTANA. QazAqparat - Qytaı bıligi týrısterge eldiń ıadrolyq ortalyqtarynyń birine kirýge ruqsat berdi.
Bir kezderi qupııalanǵan «816 jerasty ıadrolyq áskerı zaýyty» strategııalyq nysan birneshe kún buryn qalypqa keltirý jumystarynan keıin ashylyp, kelýshilerdiń alǵashqy tobyn qabyldady, dep habarlady «Sınhýa» AA.
Burynǵy áskerı zaýyt 18 negizgi ǵımarattan, biriktirilgen 20 km týnnelden turady. Zaýyt zaldarynyń biriniń kúmbezi 80 metr bıiktikke kóterildi. «816 nysany» 8 baldyq jer silkinisi men tikeleı avıasoqqylarǵa tótep bere alady.
1966 jyly KSRO men QHR arasyndaǵy qarym-qatynas sýı bastaǵanda Qytaıdyń ońtústik-batysyndaǵy Chýntsın mýnıtsıpalıtetinde ıadrolyq zaýyt turǵyzyldy. Onyń qurylysyna 60 000 astam túrli maman qatysty. 1984 jyly zaýyt toqtatylyp, 26 jyldan keıin onyń aýmaǵyna alǵash ret týrıstik toptardy kirgizildi.
Keıin «816 nysanyn» qalypqa keltirip, beıbit turǵyndar úshin qyzyqty orynǵa aınaldyryldy. Endi zaýytty qytaılyqtarmen qatar sheteldik týrıster de tamashalaı alady.
Foto: Chen Cheng / Globallookpress.com
