Qytaı turǵyny qalyńdyǵyna 102 keli aqsha syılady
ASTANA. 14 qarasha. QazAqparat - Chjetszıan Shyǵys Qytaı provıntsııasynyń Iý qalasynda kóshede aqsha toly qorjyndaryn arqalap ótken 18 adam kópshiliktiń nazaryn aýdardy.
Olar úılený toıynyń syılyǵyn tasyǵan. Al sońdarynan ondaǵan qymbat baǵaly kólikter júrip otyrǵan. Jergilikti saltqa sáıkes, kúıeý jigit qalyńdyqtyń otbasyna toı syılyǵy retinde sharap, kúndelikti turmysqa qajetti zattardy, sonymen birge, 8 mln. 883 myń 888 ıýan (1,5 mln dollaǵa jýyq) aqsha ákelgen. «Segiz» sany Qytaıda baqyt ákeledi dep sanalady ári ony baılyqpen baılanystyrady. Al qalyńdyq jaǵy bolsa qyzǵa beriletin jasaý retinde «Mazeratı», «Mersedes» markaly 10 jeńil avtokólik satyp alǵan.
Kúıeý jigittiń otbasy «qalyńdyqtyń qalyń maly» retinde oǵan qajet aqshany úılený toıyna jarty aı qalǵanda jınaı bastaǵan. Salmaǵy 102 keli bolatyn bankten alynǵan jańa kýpıýra úıde seıfte eshqandaı kúzetsiz saqtalǵan. Toı bastalar aldynda aqsha kýpıýralary bambýk qorjyndarǵa salynyp, ony 1,5 shaqyrym boıy tasýshylar jaıaý-jalpylap alyp barǵan. Odan keıin aqsha bankke jetkizildi.
Bul týraly jergilikti BAQ habarlady.
