Qytaı turǵyndary ıadrolyq zaýyt salýǵa jol bermedi
BEIJІŃ. 14 shilde. QazAqparat - Ońtústik Qytaı provıntsııasy Gýandýn qalasynyń ókimeti jergilikti halyqtyń qarsy bolýyna baılanysty ıadrolyq janarmaıdy qaıta óńdeý boıynsha zaýyt salý josparynan bas tartty, dep habarlaıdy jergilikti BAQ.
China National Nuclear Corporation kompanııasy jylyna 1 myń tonna ıadrolyq janarmaı óndiretin zaýyt salýdy josparlaǵan. Joba quny 6 mlrd. dollarǵa baǵalandy. Joba boıynsha kásiporyn Daıavan, Taıshan jáne ıAntszıan AES-terine ýran jetkizip turýy tıis edi.
Alaıda jergilikti halyq atalǵan jobaǵa qatysty narazylyq bildirdi. Turǵyndardyń paıymdaýynsha, bul olardyń jeke basyna jáne qorshaǵan ortaǵa zııanyn keltiredi. Heshan qalasynyń meri Ý ıÝısıýn: «Qala basshylyǵy qoǵamdyq pikirdi qurmetteıdi, sol úshin bul jobany maquldamaıdy»,- dep málimdedi.
