Qytaı turǵyndary Meshin jylyn qarsy alýda
ASTANA. QazAqparat - Dúısenbi kúni Qytaı jurty Aı kúntizbesi boıynsha Jańa jyl - Meshin jylyn qarsy alyp jatyr.
Qytaı qalalarynyń kóshelerinde adamdar keshten bastap túni boıy salıýttar men otshashýlar atyp, merekeni qýanyshpen toılaý ústinde. Senim boıynsha, Jańa jyl merekesin osylaı ótkizý jyn-perilerdi qýyp, el turǵyndaryna aldaǵy jyldy baqytty ótkizetinderine úmit syılaıdy.
Qytaıda «Chýntsze» dep atalatyn kóktem merekesin el turǵyndary dástúrli túrde otbasymen, jaqyndarymen toılaıdy. Jańa jyldyń alǵashqy birneshe kúnin mindetti túrde týystarmen ótkizý qajet. Aptaǵa sozylatyn toılaý kezinde ústel basyndaǵy dástúrli otyrystar bolady - as mázirinde mindetti taǵam - tushparany búkil otbasy bolyp ázirleıdi, dep jazady TASS.
