Qytaı turǵyndary ǵajaıyp tabıǵat qubylysyna kýá boldy
ASTANA. QazAqparat - Qytaıdyń Іshki Mońǵol avtonomdy ólkesiniń Shılın-Gol eldi mekeninde 26 jeltoqsan kúni keshki ýaqytta bolǵan erekshe tabıǵat qubylysyn Qytaı aqparat quraldary jarysa habarlaýda.
Shılın-Gol turǵyndary keshki saǵat 19:00-den bastap eki jarym saǵat boıy jalǵasqan ǵajaıyp qubylysqa kýá bolǵan.
Qytaı aqparat quraldarynyń habarlaýynsha, bul tabıǵı qubylys Qadaý jaryq nemese jaryq dińgegi (日柱/光柱) dep atalady，Shılın-Goldegi aýa temperatýrasy osy qubylystyń paıda bolýyna saıma-saı kelgen.
Qadaý jaryq - kún shyqqanda ne bolmasa batqan kezde paıda bolatyn túzý dińgek pishindi jaryq qubylysy. 6 buryshty jalpaq muz krıstaldary jáne sý tamshylary kún kókjıekten 20° bıik bolǵanda osyndaı qadaý jaryq shyǵarady. 
