Qytaı tóraǵasynyń bılikte otyrý merzimin shekteý alynyp tastalýy múmkin
BEIJІŃ. QazAqparat - Qytaı kommýnıstik partııasynyń Ortalyq komıteti eldiń Konstıtýtsııasyna ózgerister engizý jónindegi usynystardy jarııa etti, dep habarlaıdy «QazAqparat» HAA Qytaıdaǵy menshikti tilshisi.
Osy jyldyń 26 qańtarynda qabyldanǵan qujatqa sáıkes, QHR negizgi zańyna Sı Tszınpınniń QKP 19-shy sezinde aıtqan qytaısha sotsıalızm týraly ıdeıasy, sondaı-aq ǵylymı damý tujyrymdamasy, qytaı ultynyń qaıta órkendeýine talpynysy men ekotsıvılızatsııalyq qurylys túsinikteri boıynsha ózgerister engizilmek.
Qytaısha sotsıalızmdi sıpattaıtyn Konstıtýtsııanyń 1-baby QKP jetekshilik róli dep atalady.
Usynylyp otyrǵan túzetýler memlekettik qyzmetshilerdiń eldiń Konstıtýtsııasy aldynda adaldyǵy týraly halyq aldynda ant qabyldaýyn, sondaı-aq Qadaǵalaý jónindegi ulttyq komıssııany QHR memlekettik organdaryna qosýdy kózdeıdi.
Qytaı zańnamasyna usynylyp otyrǵan negizgi túzetýlerdiń biri Konstıtýtsııanyń 79-baby 3-abzatsyn, ıaǵnı QHR tóraǵasy men tóraǵa orynbasary úshin eki ret qatarynan saılanýyn shekteý bolyp tabylady. Bul ózgeris QHR kóshbasshysy Sı Tszınpınge óziniń ókilettiligi aıaqtalatyn 2023 jyldan keıin de eldi basqarýǵa múmkindik beredi.
Foto: Sınhýa
