Qytaı «Tıtanıktiń» kóshirmesin jasap jatyr
ASTANA. QazAqparat - Qytaıdyń Sychýan qalasynda 1912 jyly sýǵan batqan «Tıtanık» laınerin jasap jatyr, dep habarlaıdy Sınhýa agenttigi.
«Tıtanık» kemesin jasaýmen «Wuchang Shipbuilding Industry Group» qytaılyq keme jasaý kompanııasy aınalysýda.
Keme jasaýshy mekemeniń aıtýynsha, «Tıtanıktiń» kóshirmesiniń syrtqy beınesi de, ishki kórinisi de túpnusqadaǵydaı bolady. Dızaınerler árbir tetikti, teatrdy, kaıýta, basseın men bı zalyn qosa aınytpaı jasamaqshy.
«Tıtanık» sol kezde álemdegi eń úlken keme bolǵan. 1912 jyly 15 sáýir túninde aısbergke soǵysqan keme sý astyna ketti. Ártúrli derekter boıynsha, apattyń saldaryna 1 495-ten 1 635 adamǵa deıin kóz jumyp, 700-den astamy qutqarylǵan.
Alǵash ret 3,7 myń metr tereńdiktegi kemeniń qaldyǵy 1985 jyly Altant muhıtynyń soltústik bóliginde tabylǵan.
