Qytaı «Teńiz aıdaharyn» synaqtan ótkizdi
ASTANA. QazAqparat - Qytaı Tynyq muhıtynyń batys bóliginde adamsyz basqarylatyn «Haılýn-11000» («Teńiz aıdahary»- 11000) sýasty apparatyn tuńǵysh ret synaqtan ótkizdi, dep jazady Sınhýa.
«Haılýn-11000» apparaty Qytaıdyń «Daıan Ihao» («Muhıt-1») ǵylymı-zertteý kemesinen sýǵa jiberildi.
«Daıan Ihao» bortyndaǵy bas ǵylymı zertteý qyzmetkeriniń sózine qaraǵanda, «Haılýn-11000» 11 myń metr tereńdikke deıin súńgýge eseptelgen. Ǵalymdar muhıt astyna súńgitilgen adamsyz basqarylatyn apparat 3 jyl ishinde aqparat berip otyrýy tıis ekendigin aıtty.
