Qytaı taıaýdaǵy úsh jyl ishinde 50 ǵaryshtyq ushyrýlar ótkizýdi josparlaýda
ASTANA. QazAqparat - Taıaýdaǵy úsh jyl ishinde Qytaıda shamamen 50 ǵaryshtyq ushyrýlar júrgiziledi. Bul týraly Sınhýa agenttigine eksklıýzıvtik suhbatynda Qytaı halyqtyq saıası konsýltatıvtik keńesi Búkilqytaılyq komıtetiniń múshesi, Qytaıdyń CALT zymyran-tasyǵyshtar zertteý akademııasy partııa komıtetiniń hatshysy Lıan Sıaohýn málim etti, dep habarlady «Novostı kosmonavtıkı».
Lıan Sıaohýn, sondaı-aq, qazirgi kezde CALT jyl saıyn 16-dan 20-ǵa deıin zymyran-tasyǵyshtar shyǵarýǵa qabiletti ekenin atap ótti. 2015 jyly «Chanchjen-11» alǵashqy jańa urpaq jeńil zymyran-tasyǵyshyn shyǵarý josparlanǵan.
Sonymen birge, taıaýdaǵy bolashaqta «Chanchjen-7» jáne «Chanchjen-5» jańa urpaq ortasha jáne aýyr zymyran-tasyǵyshtaryn jasaý aıaqtalady. «Atalǵan zymyrandar ekologııalyq taza otynmen jumys isteıdi jáne qytaı kosmonavtıkasyn damytýda jetekshi ról atqarady», - dep atap ótti Qytaıdyń CALT zymyran-tasyǵyshtary zertteý akademııasynyń partııa kóshbasshysy.
