Qytaı tarapynan Qazaqstannyń eti men bıdaıyna qyzyǵýshylyq joǵary
Atalǵan forým tamaq ónerkásibin damytýdyń halyqaralyq protsesin jedeldetýge, halyqaralyq tájirıbeler almasýǵa, sondaı-aq azyq-túlik ónerkásibin damytý úshin jańa platformalar qurýǵa baǵyttalǵan.
Halyqaralyq kórmege álemniń jáne Qytaıdyń 16 aımaǵynan saýda departamentteri, bıznes-qaýymdastyqtar, azyq-túlik ımporty jáne eksportymen aınalysatyn agenttikter qatysty. Shara aıasynda mamandar azyq-túlik salasyndaǵy múmkindikter týraly pikir almasyp, basymdyq beriletin jobalardyń tanystyrylymy ótken. Henan provıntsııasynyń tamaq ónerkásibimen ekonomıkalyq jáne saýda yntymaqtastyǵy máseleleri de talqylandy.
Budan bólek, halyqaralyq shara aıasynda «Qazaqstan-Qytaı saýdasyna járdemdesý qaýymdastyǵy» men Henan provıntsııasy halyqaralyq saýdaǵa járdemdesý komıteti arasynda yntymaqtastyq týraly Memorandýmǵa qol qoıyldy.
«Memorandým aıasynda Qytaı tarapy qazaqstandyq et pen bıdaı ónimderin satyp alýǵa qyzyǵýshylyq tanytyp otyr. Men bizdiń áriptesterimizdi búgingi kúni Qazaqstan Úkimeti tarapynan birqatar hattamalarǵa qol qoıý boıynsha belsendi jumystar atqarylyp jatqandyǵynan habardar ettim. Bul shara negizinen Qytaıǵa ónimderimizdi eksporttaý múmkindigin ashatyn bolady», - dedi «Qazaqstan-Qytaı saýdasynaa járdemdesý qaýymdastyǵynyń atqarýshy dırektory Batyrbek Aýbakırov.
Onyń aıtýynsha, taraptar joǵary tehnologııalyq jáne agrarlyq ónimderdiń eksporty jáne ımporty boıynsha suranystar týraly aqparattar almasýǵa ýaǵdalasqan.
Eske sala ketsek, mundaı halyqaralyq kórme 2017 jyly ótken bolatyn. Onda álemniń 20-dan astam elinen, Gonkong, Makao, Taıvan mýnıtsıpalıtetteri, avtonomdyq aýdandarynan, 30-dan astam provıntsıaıadan 2000-nan astam kompanııa qatysqan bolatyn. Halyqaralyq kórme aıasyndaǵy kelisimder somasy shamamen 3 mlrd. ıýannan asqan.
