Qytaı taraptardy Koreı túbegindegi problemalar boıynsha dıalogty jandandyrýǵa shaqyrýda
BEIJІŃ. 1 jeltoqsan. QazAqparat /Rýslan Súleımenov/ - Koreı túbegindegi problemalardyń dıalogyna tezirek oralý barlyq taraptyń múddesine saı jáne álemdik qoǵamdastyqtyń kútip otyrǵany da osy.
Bul týraly seısenbi, 30 qarasha kúni Beıjińde ótken kezekti baspasóz máslıhatynda Qytaı Halyq Respýblıkasy Syrtqy ister mınıstrliginiń resmı ókili Hýn Leı málim etti.
Onyń aıtýynsha, qazirgideı jaǵdaıda, taraptardyń dıalog pen kelissóz arnasyna múmkindiginshe tezirek oralýy tótenshe mańyzdy. «Múddeli taraptar túbektegi beıbitshilik pen turaqtylyqty saqtaý maqsatynda qurylǵan altyjaqty kelissózderdiń aıasynda dıalogtar men konsýltatsııalar ótkizý arqyly problemalardy laıyqty deńgeıde retteýge birlesip kúsh salady degen úmittemiz», dep atap kórsetti Qytaı dıplomaty.
Esterińizge sala keteıik, Qytaı altyjaqty kelissózderdiń aıasynda jeltoqsan aıynda Beıjińde delegatsııa basshylarynyń shuǵyl konsýltatsııalaryn ótkizýdi usynǵan bolatyn. «Biz dittegen maqsat - túbektegi ýshyqqan jaǵdaıdy jumsartý jáne taraptardyń dıalogyna jaǵdaı jasaý», - dep málim etti Qytaı syrtqy saıasat vedomstvosynyń ókili.
