Qytaı sý tasqynyna shuǵyl áreket etý rejımin iske qosty
BEIJІŃ. SINЬHÝA – QazAqparat – QHR sý tasqyny men qurǵaqshylyqqa qarsy memlekettik shtaby sý tasqynyna baılanysty 4-deńgeıdegi jedel áreket etý rejımin iske qosty, óıtkeni eldiń ońtústik aımaqtarynda qatty nóser jaýyn jaýýy múmkin, dep habarlaıdy QazAqparat «Sınhýa» agenttigine siltememen.
Boljamǵa sáıkes, nóser jaýyn Qytaıdyń birneshe aımaǵynda, sonyń ishinde Haınan, Gýandýn jáne Gýansı-Chjýan avtonomııalyq aımaǵyna jaýady, al keıbir aýdandarda naızaǵaı oınap, qatty jel soǵýy múmkin.
Qytaıdyń meteorologııalyq qyzmetteriniń habarlaýynsha, Tıbet avtonomııalyq aýdany men ıÝnnan provıntsııasynyń keıbir aýdandarynda Bengal shyǵanaǵynyń ústindegi «Mokko» tsıklonynan týyndaǵan qatty jańbyr jaýady.
Vedomstvo atalǵan aımaqtarǵa ekstremaldy aýa raıynyń saldaryn joıýǵa kómektesý úshin eki jumys tobyn jiberdi.
Sondaı-aq, bılik qaýipti aımaqtardaǵy adamdardy kóshirý jáne qutqarý jumystaryna tartylǵan adamdardyń qaýipsizdigin qamtamasyz etý boıynsha jedel sharalar qabyldaýǵa shaqyrdy.
Esterińizge sala keteıik, Qytaıda sý tasqynyna qarsy áreket etýdiń tórt deńgeıli júıesi bar, onda qaýiptiń eń joǵary deńgeıi - birinshi deńgeı.
