Qytaı statıstıkasy munaı baǵasynyń qymbattaýyna sebep boldy
TANA. 19 qazan. QazAqparat - Seısenbi, 18 qazandaǵy saýda qorytyndysy boıynsha ınvestorlardyń jahandyq ekonomıka baıaý ósedi degen boljamy negizinde álemdik munaı baǵasy kúrt ósip ketti.
WTI (Light Sweet) munaıynyń resmı baǵasy Nıý-Iorktegi New York Mercantile Exchange (NYMEX) jedel saýda bırjasynda 2011 jyly 18 qazandaǵy saýda qorytyndysy boıynsha 1,96 dollarǵa ósip, barelline 88,34 dollardy qurady.
Brent munaıynyń resmı baǵasy InterContinental Exchange Futures Europe (ISE Futures Europe) elektrondyq taýar bırjasynda 2011 jyly 18 qazandaǵy saýda qorytyndysy boıynsha 0,99 dollarǵa qymbattap, barelline 111,15 dollarǵa teńeldi, dep habarlaıdy RBK.
Taıaýda QHR Ulttyq statıstıka bıýrosy aqparat taratyp, oǵan sáıkes, 2011 jylǵy ІІІ toqsannyń qorytyndysy boıynsha Qytaı JІÓ 9,1%-ǵa ósken. Sarapshylar ósim 9,2% bolady dep boljaǵan edi. Soǵan qaramastan, aǵymdaǵy jyldyń ótken toqsanymen salystyrǵanda, qytaı JІÓ 2,3% artty. Sarapshylar bul ósim 2,1% paıyzdy quraıdy dep boljaǵan.
