Qytaı sportshylary et jeýden bas tartyp otyr
ASTANA. 19 sáýir. QazAqparat - Aspanasty eliniń olımpıadalyq quramasynyń ókilderi et taǵamdarynan bas tartqandaryn málimdedi.
Basty sebep dopıng-testten ótpeı qalý qaýpinde. Bul jaıynda «Alaman» sport agenttigi habarlady.
Sý sportynan saıysqa qatysatyn sportshylary et taǵamdarymen qorektenbegeli qyryq kúnnnen asypty, endi solardyń qataryna basqa túrlerden synǵa túsetin qalǵan atletteri de qosylǵan. Málimdemege súıensek, ettiń ornyna aǵzaǵa qajet aqýyzdy jınaqtaý úshin balyq ónimderin jáne arnaıy proteın qospalaryn paıdalanbaqshy.
Qytaılyq azyq-túlik óndirýshiler tamaq ónimderiniń dámdik sapasyn arttyrý jáne salmaǵyn ulǵaıtý úshin ár-túrli hımııalyq qospalar men modıfıkatorlardy keńinen qoldanatyny qupııa emes. Etti taǵamdarǵa jasandy zattardy kóp mólsherde qosatyndyqtary anyqtalǵan. Tipten shoshqa etinen adamnyń bulshyq etiniń kólemin ulǵaıtýǵa sebepker bolatyn taǵam óndirisinde tyıym salynǵan zat klenbýterol tabylypty. Sol sebepti sport fýnktsıonerleri osyndaı sheshim qabyldaýǵa májbúr bolǵan.
