Qytaı soty erteń Aqjarqyn Turlybaıdyń apellıatsııalyq shaǵymyn qaraıdy

ASTANA. QazAqparat - Qytaı soty erteń Aqjarqyn Turlybaıdyń apellıatsııalyq shaǵymy qaraıdy. Bul týraly QR Bas prokýrorynyń birinshi orynbasary Iogan Merkel málim etti.

"Tek sońǵy bes jyl ishinde Qazaqstanǵa shetelde jazasyn ótep júrgen  bizdiń 158 azamat qaıtaryldy. Tek qana Qytaıdan sol memlekette uzaq merzimderge bas bostandyǵynan aıyrý jazasyna sottalǵan  bizdiń 11 azamat qaıtaryldy. Taǵy 10 adam jazasyn óteýde, olardy Qazaqstanǵa aýdarý úshin biz jumys jasaýdamyz", - dedi ol.

Budan basqa, onyń atap ótýinshe, Qytaıdaǵy qylmystyq protseske tartylǵan bizdiń taǵy 13 azamat bar, olar boıynsha qazirgi kezde sottar nemese tergeý organdary túpkilikti sheshimdi áli qabyldamaǵan. Bul azamattarǵa qatysty Qazaqstanǵa berý boıynsha jumys Qytaıdyń sottarymen túpkilikti sheshimder qabyldaǵannan keıin bastalady.

"Bul esirtki zattarynyń kontrabandasy úshin ómir boıy bas bostandyǵynan aıyrý jazasyna Gýanchjoý sotymen sottalǵan Aqjarqyn Turlybaıǵa da qatysty.Onyń apellıatsııalyq shaǵymy aǵymdaǵy jyldyń 6 sáýirinde Qytaı sotymen qaralady jáne osydan keıin ǵana biz ony aýdarý máselesin qarastyra alamyz", - dedi I.Merkel.