Qytaı Soltústik Koreıaǵa qarýǵa negizdelgen materıaldardy eksporttaýǵa tyıym saldy
ASTANA. 25 qyrkúıek. QazAqparat - QHR bıligi zymyrandar men ıadrolyq, hımııalyq jáne bıologııalyq qarýdy jasaý úshin paıdalanylýy múmkin materıaldardy Soltústik Koreıaǵa tasymaldaý shekteýlerin kúsheıtti.
VVS-diń jazýynsha, QHR Saýda mınıstrligi atalǵan shekteýler BUU tarapynan Soltústik Koreıaǵa salynǵan sanktsııalardy saqtaýǵa kómektesetinin málim etti.
Qytaı dástúrli túrde KHDR-di iri saýda áriptesi dep sanaıdy.
Alaıda, sarapshylardyń pikirinshe, Soltústik Koreıa bıyl úshinshi ıadrolyq synaqty júrgizgennen keıin Beıjińniń kórshiles elge degen qarym-qatynasy ózgere bastady.
Naýryz aıynda BUU Qaýipsizdik keńesi Phenıanǵa qarsy sanktsııalardy qatańdatqan bolatyn, onyń ishinde atalǵan eldiń jappaı qyryp-joıý qarýyn ázirleýge qatysty bolýy múmkin qarjylyq operatsııalaryna engizilgen shekteýler bar.
