Qytaı Sırııa másele jóninde Arab memleketteri lıgasyn qoldaıdy
IJІŃ. 15 qarasha. QazAqparat /Rýslan Súleımenov/ - Dúısenbi kúni Qytaı Arab memleketteri lıgasynyń bastamasyn qoldaǵan kezde Sırııa halyqaralyq qysymnyń astyna qaldy.
«Qytaı kezekti márte Sırııa úkimeti men tıisti taraptardy zombylyqty toqtatyp, jan-jaqty saıası úderisti bastaýǵa, sondaı-aq Arab memleketteri lıgasynyń bastamasyn júzege asyrýǵa baǵyttalǵan kúsh-jigerdi jalǵastyrýǵa shaqyrady», - dep málimdedi QHR SІM resmı ókili Lıý Veımın Beıjińde dúısenbi kúni ótken baspasóz máslıhatynda.
Budan ári qytaı dıplomaty Qytaı arab memleketteri lıgasynyń Sırııadaǵy qazirgi daǵdarysty sheshýge baǵyttalǵan kúsh-jigerin qoldaıtynyn habarlady. «Qazirgi jaǵdaıda Arab memleketteri lıgasynyń bastamalaryn tezirek júzege asyrý úshin Sırııada tıisti taraptardiń birlesken kúsh-jigeri, sondaı-aq halyqaralyq qoǵamdastyq tarapynan tıisti jaǵdaılar jasaý qajet», - dep atap ótti ol.
Dúısenbi kúni QR SІM Sırııada Saýd Aravııasy men Katardyń elshilikterine, sondaı-aq basqa da dıplomatııalyq mıssııalarǵa shabýyl jasalǵany týraly sońǵy habarlarǵa baılanysty alańdaýshylyq bildirdi.
Qazaqstan dıplomatııalyq ókildikterge qarsy kez kelgen shabýyl jasaýǵa jol berýge bolmaıdy dep bul áreketterdi aıyptady.
Qazaqstan Islam yntymaqtastyq uıymy syrtqy ister mınıstrler keńesiniń tóraǵasy retinde Sırııa úkimetin jaǵdaıdy qalpyna keltirý sharalaryn alýǵa shaqyrdy.
