Qytaı ShYU elderi jýrnalısterin úsh aılyq baspasóz-týryna shaqyrdy

BEIJІŃ. QazAqparat - Shanhaı yntymaqtastyq uıymyna (ShYU) múshe  elderdiń jýrnalısteri úshin Qytaı úsh aılyq týrdy bastady, dep habarlaıdy osy eldegi «QazAqparat» HAA menshikti tilshisi.

Bul sharany ótkizý týraly Qytaı Jarııa dıplomatııasy qaýymdastyǵy men Beıjiń shet tilderi ýnıversıteti jáne Qytaı Halyqaralyq baspasóz ortalyǵy janyndaǵy ShYU baspasóz ortalyǵy bastama kóterdi.

Qazaqstan, Qyrǵyzstan, Tájikstan, Ózbekstan jáne Belarýs elderinen kelgen 12 jýrnalıst Qytaıdyń mádenıetimen jáne dástúrimen, sondaı-aq el óńirleriniń damýymen tanysatyn bolady. QHR ǵalymdarymen, jýrnalısterimen jáne saıasatkerlerimen kezdesýler ótedi.

Baspasóz týrynyń  ashylý rásiminde sóz alǵan  QHR SІM aqparat jáne baspa departamenti dırektorynyń orynbasary Lı Mıngannyń aıtýynsha, qatysýshylar Qytaıdyń bes myń jyldyq tarıhymen ǵana emes, QHR jańa jetistikterimen: joǵary jyldamdyqty temirjoldarmen, qytaılyq elektrondyq tólem jáne Internet-satylym júıesimen tanysatyn bolady.  

Sondaı-aq baspasóz týrynyń ashylýynda Qytaı jarııa dıplomatııasy qaýymdastyǵynyń tóraǵasy  Gýn Tszıanchjýn, Beıjiń shet tilderi ýnıversıtetiniń prorektory Sýn ıÝchjýn jáne Qytaıdaǵy «QazAqparat» HAA menshikti tilshisi sóz sóıledi.

Eske sala ketsek, ShYU-ǵa múshe elder basshylarynyń 18-inshi sammıti 2018 jyly maýsymnyń basynda shyǵysqytaılyq Shandýn provıntsııasyndaǵy Tsındao qalasynda ótedi.