Qytaı ShYU damýyna zor eńbek sińirgeni úshin Qazaqstandy joǵary baǵalaıdy - Sı Tszınpın
«Uıymnyń is basyndaǵy turaqty eki organynyń qyzmetin joǵary baǵalaı kele qytaı taraby ShYU hatshylyǵyna qosymsha 10 mln ıýan bólý týraly sheshim qabyldady. Qytaı tóraǵa retinde uıymnyń damýyna zor kúsh-jiger men eńbek sińirgeni úshin Qazaqstandy joǵary baǵalaıdy. Qytaı ShYU tóraǵalyǵyn qabyldaıdy jáne 2018 jyldyń maýsymynda kezekti sammıtin uıymdastyrady», - dedi Sı Tszınpın.
Sonymen qatar ol Qytaıdyń uıym qataryna Úndistan men Pákistannyń qosylýyn qoldaıtyndyǵyn jáne ShYU aıasyndaǵy yntymaqtastyqqa daıyn ekendigin atap ótti. Sonymen qatar QHR Tóraǵasy uzaqmerzimdi tatý kórshilik jáne dostyq yntymaqtastyq týraly sharttyń erejelerin júzege asyrý boıynsha bes jyldyq kezeńge arnalǵan is-qımyl josparyn ázirleý qajet degen usynysyn bildirdi.
«Biz ShYU-nyń saýdany jeńildetý protsedýralary týraly kelisimine qol qoıýdy bastaı alar edik. Halyqaralyq avtomobıl tasymaly úshin jaıly jaǵdaı jasaý týraly ShYU-ǵa múshe memleketterdiń Úkimetteri arasyndaǵy kelisimde qarastyrylǵan transshekaralyq baǵdarlardyń belgilengen ýaqytta ashylýyn jaqtaımyz», - dedi Sı Tszınpın.