Qytaı Shyńjańda sý sharýashylyǵyn damytýǵa $11,8 mlrd. jumsady
ASTANA. QazAqparat - QHR Shyńjań Uıǵyr avtonomııalyq ólkesinde 2010-2015 jyldar aralyǵynda sý sharýashylyǵy keshenin damytý jónindegi memlekettik baǵdarlamany júzege asyrý úshin qytaılyq bılik 11,8 mlrd. jumsady, dep habarlaıdy jergilikti BAQ.
ShUAÓ halyqtyq úkimet basshysy Shovrat Zaker Úrimshide 25 shilde kúni Shyńjańda sý sharýashylyǵy keshenin damytýǵa kómek kórsetý jóninde ótken jınalysta 12-shi basjyldyqta osy salaǵa quıǵan ınvestıtsııa kólemi 11,8 mlrd dollar bolǵanyn aıtty. Onyń 5,1 mlrd-y ortalyq bıýdjetten, qalǵany jergilikti bıýdjetten alynǵan. Osy baǵdarlamanyń arqasynda 3,6 mln fermer men mal sharýashylyǵy nysandaryn taza sýmen qamtamasyz etý múmkin bolǵan.
Qytaıdyń sý sharýashylyǵy mınıstri Chen Leıdiń aıtýynsha, osy kezeń de, aldaǵy kezeń de ShUAÓ-de sý sharýashylyǵy keshenderin damytýda zor serpilis jasaý úshin óte mańyzdy. 13-shi besjyldyq aıasynda Shyńjań ólkesin sýmen qamtý, sý qaýpi jaıly eskertý, gıdrotehnıkalyq nysandar qaýipsizdigin qamtamasyz etý, sondaı-aq sý kózderin reabılıtatsııadan ótkizý men qalpyna keltirý syndy máseleler sheshimin tappaq.
Eske sala keteıik, Ertis jáne Іle ózenderi syndy mańyzdy tuşy sý kózderi Qytaıdyń Shyńjań Uıǵyr avtonomııalyq ólkesinen bastaý alady. Sonymen qatar, ShUAÓ ekonomıkasynyń qarqyndy ósýine jáne Qazaqstanmen shekaralas aımaqtarda jan sanynyń kóbeıýine baılanysty sýǵa turmystyq qajettilik artyp otyr.
