Qytaı shveıtsarııalyq Syngenta kompanııasyn 43 mlrd. dollarǵa satyp almaq
ASTANA. QazAqparat - QHR-nyń ChemChina memlekettik hımııa kompanııasy pestıtsıdterdi shyǵaratyn shveıtsarııalyq Syngenta kompanııasyn qytaılyq kompanııalar úshin rekordtyq soma - 43 mlrd. dollarǵa satyp almaq.
Syngenta-nyń habarlaýynsha, dırektorlar keńesi óz aktsıonerlerine Qytaımen mámile ornatýǵa usynys jasaǵan.
Mámile aǵymdaǵy jyldyń sońyna deıin aıaqtalýy tıis. Al ázirge Syngenta-nyń basshylyǵynda eshqandaı ózgerister júrgizý josparlanbaı otyr, dep habarlaıdy Bı-bı-sı.
