Qytaı sheneýnikterine adamdardyń kózinshe temeki tartýǵa tyıym salyndy
ASTANA. 31 jeltoqsan. QazAqparat - QHR-da sheneýnikter men partııa ókilderine qoǵamdyq oryndarda, sonymen birge, qyzmettik mindetterdi oryndaý kezinde temeki tartýǵa tyıym salyndy.
«Sınhýa» agenttiginen habarlaǵandaı, bul usynystar QHR Memlekettik Keńesiniń keńsesi men QKP OK nusqaýynda bar. Sheneýnikter men partııalyqtardy zııandy ádetten tek bas tartyp qoımaı, sonymen birge áriptesterine temekini tastaýǵa kómektesýge shaqyrdy. Sonymen birge, bıýdjet qarjysyna temeki ónimderin satyp alý jazalanady, memlekettik organdarda temekini jarnamalaýǵa jáne satýǵa tyıym salynady.
Qytaıda temeki tartý áleýmettik ómirdiń mańyzdy faktory bolyp tabylady. Bul el álemde tabak ónimderiniń iri tutynýshylarynyń biri. 1,35 mıllıard qytaılyqtyń shamamen 350 mıllıony temeki tartady, dep habarlady Lenta.rý.
