Qytaı sheneýnikteri qyzmettik kólikterinen aıyrylady
ASTANA. QazAqparat - Qytaıdaǵy memlekettik mekemelerdiń avtoparki 3000 avtokólikke azaıady. Beıjiń bıligi jemqorlyqpen kúres jáne sheneýnikterge jumsalatyn shyǵyndy qysqartý úshin osyndaı sheshim qabyldady, dep jazady 24.kz.
QHR Memlekettik keńesi mekemeler isi jónindegi basqarmanyń aqparaty boıynsha 3200 avtokólik satylymǵa shyǵady. Onyń 300-i bir aıdyń ishinde, ıaǵnı Qytaı jańa jylyna deıin aýktsıonǵa qoıylady.
Bássaýdaǵa shyqqan sheneýnikterdiń burynǵy kólikterin arnaıy saraptamadan ótkizedi, qujaty men tehnıkalyq jaǵdaıyn da tekseredi. Túsken aqsha memleket qazynasyna aýdarylady. Úkimet avtoparkin taratý isi qoǵamǵa ashyq ári ádil júrgiziledi dep sendiredi qytaı bıligi.
