Qytaı «Shenchjoý-15» ǵarysh kemesin orbıta stansasyna ushyrady

BEIJІŃ. QazAqparat – «Shenchjoý-15» basqarylatyn ǵarysh kemesi Qytaıdyń orbıta stantsııasyna seısenbi kúni ushyrylady. Bul týraly dúısenbide ǵaryshqa ushý baǵdarlamasynyń Qytaı basqarmasy málim etti, dep habarlaıdy QazAqparattyń menshikti tilshisi.

«29 qarashada Beıjiń ýaqyty boıynsha saǵat 23:08-de (Astana ýaqytymen 21:08-de) «Shenchjoý-15» basqarylatyn ǵarysh kemesi ushyrylady», - delingen habarlamada.

Qytaıdyń soltústik-batysynda ornalasqan Tszıýtsıýan ǵarysh aılaǵynan Long March-2F zymyran tasyǵyshynyń kómegimen ushyrylady.

Josparǵa sáıkes, ekıpaj orbıtada alty aıǵa jýyq ýaqyt bolady.

Dúısenbide «Shenchjoý-15» ekıpajyna kirgen úsh taıkonavtyń esimi jarııalandy. Olar: Feı Tszıýnlýn, Den Tsınmın jáne Chjan Lý.

5-10 kún boıy eki ekıpaj orbıta stansasynda birge bolady. Aýysymnan keıin aldyńǵy «Shenchjoý-14» mıssııasynyń úsh taıkonavty Jerge oralady.

«Shenchjoý-15» ekıpajy QHR-dyń birinshi orbıta stantsııasynyń qurylysyn aıaqtaıdy.

Negizgi modýl jáne «Ventıan» men «Mentıan» eki zerthanalyq modýl qazirdiń ózinde túıisip, shtattyq rejımde jumys istep tur.

QHR orbıta stantsııasy shamamen 400 km bıiktikte ornalasqan jáne 10 jyldan astam paıdalanýǵa arnalǵan.

Osy ýaqytqa deıin stantsııaǵa árqaısysy úsh adamnan turatyn úsh ekıpaj keldi.

Foto: CGTN