Qytaı shekaralyq saýdany jeńildetý naýqanyn bastady
Alty memlekettik mekeme, sonyń ishinde QHR Bas keden basqarmasy bastamashy bolǵan naýqan Beıjiń, Tıantszın, Shanhaı jáne Chýntsın sııaqty 12 provıntsııanyń 17 qalasynda bes aı boıy jalǵasady.
Smart-ótkizý pýnktteriniń qurylysyn tereńdetý jáne olardy tsıfrlyq transformatsııalaý, sondaı-aq syrtqy saýda ındýstrııasyn jańǵyrtýdy, bıznestiń jańa nysandarynyń salaýatty jáne turaqty damýyn qoldaý boıynsha sharalar qabyldanatyn bolady.
Sondaı-aq, logıstıkalyq sektordyń jáne transshekaralyq kedendik resimdeý úshin jetkizý tizbeginiń qaýipsiz ári úzdiksiz jumysyn jaqsartý, ımport pen eksportty oryndaý shyǵyndaryn standarttaý jáne azaıtý, syrtqy saýda sýbektileriniń ońtaılylyǵyn sheshý sharalaryna kúsh-jiger jumsalatyn bolady.
2022 jyly Qytaı eldiń 10 qalasynda transshekaralyq saýdany jeńildetý úshin arnaıy naýqandy bastady. Aktsııa aıasynda engizilgen barlyq 10 reforma men ınnovatsııalyq is-shara sátti júzege asyrylyp, jergilikti keden organdary shyǵarǵan 501 shara da aıtarlyqtaı nátıjelerge qol jetkizdi.
