Qytaı shahtasynda jarylys boldy, 27 adam kóz jumdy
ASTANA. 12 mamyr. QazAqparat - Qytaıdyń ońtústik-batysyndaǵy Sychýan provıntsııasynda kómir shahtasynda bolǵan jarylys saldarynan kem degende 27 adam qaza boldy.
Bul týraly Bı-Bı-Sı habarlady.
Lýchjoý qalasynda ornalasqan Taotszygoý shahtasynda apat senbi kúni tańerteń, júzden astam kenshi jumys istep jatqan kezde oryn aldy. 81 adam qutqaryldy, olardyń 16-sy jaraqattar aldy.
Táýlik ishinde Qytaı shahtalarynda adamdardyń ólimine alyp kelgen eki apat boldy. Juma kúni ońtústik-batystaǵy Gýıchjoý provıntsııasynda gaz jarylyp, 12 adam mert boldy.
Qytaılyq shahtalar bıliktiń jaǵdaıdy túzeý áreketterine qaramastan qaýipti bolyp sanalady. Olarda bolǵan oqıǵalardyń saldarynan 2012 jyly 1300-den astam adam kóz jumdy. Ólimge jáne jaraqattarǵa ádette tehnıkalyq qaýipsizdik erejelerin saqtamaý alyp keledi.
