Qytaı shahtasynda gazdyń aýaǵa taralýynan 21 kenshi qaza boldy
BEIJІŃ. 13 naýryz. QazAqpart - Qytaıdyń ońtústik-batysyndaǵy Gýıchjoý provıntsııasynda kómir óndiretin shahtada gazdyń aýaǵa taralýy saldarynan 21 adam mert boldy, tórt adamnyń taǵdyry belgisiz, dep habarlady jergilikti BAQ.
Apat seısenbi kúni keshqurym oryn aldy. Ol kezde shahtada 83 kenshi boldy, olardyń 58-i qutqarylyp shyqty. Іzdestirý-qutqarý operatsııalary jalǵasýda. Jergilikti bılik oqıǵa sebepterin tekserýdi bastady.
Qytaı baspasóziniń habarlaýynsha, Qytaıdyń taý-ken ónerkásibi álemdegi eń qaýiptilerdiń biri bolyp tabylady. Resmı statıstıkaǵa sáıkes, 2011 jyly Qytaıda kómir shahtalaryndaǵy apattar saldarynan 1973 adam qaza boldy. Jazataıym oqıǵalardyń deni shahta ıeleriniń saladaǵy eńbek qaýipsizdigi erejelerin elemeýinen jáne qaýipsizdik sharalaryna únemdeýden oryn alýda. Sońǵy ýaqytta qytaı bıligi kómir óndirý salasynda qaýipsizdikti kúsheıtý boıynsha is-sharalar ótkizýde.
Qytaı álemdegi kómir óndirýshi jáne ony tutynýshy alpaýyt el bolyp tabylady.
