Qytaı sel men sý tasqyny saldarynan qaza tapqandardy qaıǵyryp, eske aldy
BEIJІŃ. Tamyzdyń 16-sy. QazAqparat /Rýslan Súleımenov/ - Ótken jeksenbi kúni Qytaıdyń barlyq aýmaǵynda Gansý provıntsııasynyń Chjoýtsıýı ýezinde (Qytaıdyń soltústik-batysy) oryn alǵan kúshti sel men sý tasqyny saldarynan qaza tapqandardy eske alýǵa arnalǵan qaraly is-sharalar bolyp ótti.
Bul kúni Beıjińniń ortalyǵyndaǵy Tıananmen alańynda, sondaı-aq shetelderdegi QHR elshiligi men konsýldyqtarynda memlekettik tý tómen túsirildi.
Esterińizge sala keteıik, 2010 jylǵy tamyzdyń 8-i kúni Gansý provıntsııasynyń Gannan-Tıbet avtonomdy okrýgindegi Chjoýtsıýı ýezinde myńdaǵan adamnyń ómirin qıyp, adamdardy jaralap ketken iri sel men sý tasqyny oryn alǵan. QHR Memlekettik keńesi tamyzdyń 15-in el boıynsha barlyq ultqa birdeı qaraly kún dep jarııalaý sheshimin shyǵardy. Osy kúni eshqandaı qoǵamdyq-kóńil kóterý sharalary ótkizilmedi.
Nóser jaýynnan bolǵan sel tasqyny saldarynan qurban bolǵandardyń sany 1248 adamǵa jetti, 496 adam iz-tússsiz joǵalǵan, 66 adam ártúrli jaraqat alyp, stantsıonarly em qabyldaýda.
