Qytaı sarapshysy: Qazaqstan DSU-nyń laıyqty da myqty múshesine aınalady
BEIJІŃ. QazAqparat - Qazaqstan DSU-nyń laıyqty da myqty múshesine aınalady, al QR damýy barysynda óńdelgen biregeı ıdeıalar men jańa tujyrymdamalar álemdik keńistikke barynsha keńinen tarala túsedi. Bul týraly qazaqstandyq jýrnalısterge bergen suhbatynda Qytaı qoǵamdyq ǵylym akademııasynyń Reseı, Shyǵys Eýropa jáne Ortalyq Azııany (IRVETsA) zerdeleý ınstıtýty basshysynyń orynbasary Chjan Nın málimdedi.
«Qazaqstandy DSU-ǵa kirýimen quttyqtaımyn! Bul tek sizdiń el úshin ǵana emes, tutastaı, álemdik ekonomıkanyń (onyń ishinde DSU-ǵa múshe 160-tan astam memleketter) damýy jolynda mańyzy zor. Qazaqstan básekege qabiletti óndiris, ınvestıtsııa aǵyny, áriptestermen taýar aınalymynyń ósimi sııaqty kórsetkishtermen ǵana emes, sonymen birge álemdegi qarjy-ekonomıkalyq, ekologııalyq, saıası turaqtylyqty nyǵaıtýǵa qosar úlesimen DSU-nyń laıyqty da myqty múshesine aınalady. QR damýy barysynda óńdelgen biregeı ıdeıalar men jańa tujyrymdamalar álemdik qaýymdastyqqa keńinen taraı túsedi. Mysaly Qazaqstan jahandyq daǵdarysty qubylystarǵa qarsy turatyn jańa tıimdi tujyrymdarǵa (ÁÓSShK, «jasyl kópir», G-Global) bastamashylyq etti», - dedi ol.
